大丸和風食堂 (已結業)

朋友介绍特色日本料理屋，前几晚入内一试。藏身于闹市，街档旁边的一间日式居酒屋。一入店内，满布日文字的海报，加上日本音乐，犹如置身日本。店员态度亲切殷勤，尽快安排位置，点嘅菜都好快上枱，感觉不错！加上店舖店舖内的座位宽敞，没有赶着走嘅感觉，舒服！先来一个三文鱼刺身，虽然只有四片，味道新鲜，Size啱啱好，入口即溶，每人两片，刚刚好。因为三文鱼实在太好食，再来一个三文鱼加州卷，细细粒容易入口，三文鱼加上沙律酱，整个组合，好像一口寿司，比起平时的加州卷，好味好多！接着系铁板牛油带子，来到枱上的时候，铁板样食物嘅温度刚刚好，牛油带出带子嘅香味，冬菇及金菇成为配菜，每一口牛油带子香到一个点，唔舍得吞落肚！带子嘅size，完全没有偷工减料。然后锅仔手打乌冬，以及牛肉寿喜烧锅一齐上，手打乌冬非常嫩滑，配合海鲜嘅配料，饱肚好味，寿喜烧虽然可以在家煮，但系佢哋嘅汁超好味，令当中嘅𩠌菜牛肉，入口惹味！两个人食五道菜，略嫌太多，但系有一个也不能少，大满足的一个晚上！