馬辣台式鴛鴦火鍋 (大鴻輝(荃灣)中心) (已結業)

踏入秋天，有时都会谂起同朋友围埋打边炉嘅画面。因为喺荃湾附近工作嘅关系，一谂起任食打边炉，就多数谂起大鸿辉！见到$158一位，实在是太吸引了吧。今次就同屋企人嚟到，下午约六点到餐厅，环境好舒服，好阔落。食物种类好多元化，最令我意想不到嘅就系佢有酒店自助餐先食到嘅香蕉忌廉pancake，仲要系即场整！酱料款式好多，仲有一啲拍青瓜酸萝卜等等嘅开胃前菜。丸类，饺类，肉类都好多款，令我地食得好畅快好开心！要赞一赞嘅系⭐️洋葱牛肉饺子！牛肉香浓，同洋葱加埋好软熟好食。牛肉嘅款式都好多，钟意食佢地嘅牛小排，有口感又够牛肉味。饮品款式都比我想像中多！仲有somesby apple cider，有啤酒，有茶～仲可以有热饮朱古力热咖啡添。