影片
更多
2020-05-07
916 浏览
同男朋友行完黄金商场，喺深水埗附近觅食，见到有一间门口大大只字写住＄80 / 180g 石烧牛肩排🐂，好似几正咁，平平哋一于试下啦！呢度好似喺日本食拉面咁，先喺门口买飞🧾，拣咗你想要嘅牛，之后职员会送上嚟。我哋拣咗一个＄80 牛肩排，另一个系＄110 / 200g牛柳，试下两个有咩分别先。以前好耐喺另一间餐厅食过石烧牛，不过唔识食，等旧热石冻晒都未切完件牛，搞到食到尾都仲好生。今次识食啦，先切好晒，整熟咗啲牛先，墙身上面都贴咗啲提示，教客人最佳食用方法。呢度仲有自助区，有面豉汤🥣、沙律🥗、白饭🍚可以任添，千祈唔好忘记喺自助区拎番条一次性围裙，如果唔系上牛扒嘅时候，啲汁就弹到件衫污漕晒。上台啦！牛肩排比我想像中大块，相机食完，嗱嗱声切开，入面系1成熟，所以一定要用热石整熟佢，食落油花较多，受热后油花与牛质熔为一体，汁多味美、入口即化。另一款是牛柳，油花虽然比较少，但肉质好软腍，肉汁亦丰富！不过以性价比嚟讲，一定系拣＄80牛肩排，因为牛味食落其实差不多。如果嫌未够味，可以喺自助区拎啲自家制烧肉汁、蒜蓉又或者辛辣烧汁。＄80 真系好抵食，绝对值得再试！
同男朋友行完黄金商场，喺深水埗附近觅食，见到有一间门口大大只字写住＄80 / 180g 石烧牛肩排🐂，好似几正咁，平平哋一于试下啦！
呢度好似喺日本食拉面咁，先喺门口买飞🧾，拣咗你想要嘅牛，之后职员会送上嚟。我哋拣咗一个＄80 牛肩排，另一个系＄110 / 200g牛柳，试下两个有咩分别先。
以前好耐喺另一间餐厅食过石烧牛，不过唔识食，等旧热石冻晒都未切完件牛，搞到食到尾都仲好生。今次识食啦，先切好晒，整熟咗啲牛先，墙身上面都贴咗啲提示，教客人最佳食用方法。
呢度仲有自助区，有面豉汤🥣、沙律🥗、白饭🍚可以任添，千祈唔好忘记喺自助区拎番条一次性围裙，如果唔系上牛扒嘅时候，啲汁就弹到件衫污漕晒。
上台啦！牛肩排比我想像中大块，相机食完，嗱嗱声切开，入面系1成熟，所以一定要用热石整熟佢，食落油花较多，受热后油花与牛质熔为一体，汁多味美、入口即化。
另一款是牛柳，油花虽然比较少，但肉质好软腍，肉汁亦丰富！不过以性价比嚟讲，一定系拣＄80牛肩排，因为牛味食落其实差不多。
如果嫌未够味，可以喺自助区拎啲自家制烧肉汁、蒜蓉又或者辛辣烧汁。
＄80 真系好抵食，绝对值得再试！
张贴
