影片
更多
2020-02-26
818 浏览
上次讲到食完重中之中嘅冻海鲜又试埋啲刺身寿司接下来就要食返啲纤维落肚😂其实沙律嘅款式都算几多沟好嘅好似有成六款不过现场实在系有太多好嘢食所以我净系拣咗个有我至爱嘅羽衣甘蓝𠮶款嚟试(细细声:羽衣甘蓝喺超市买都几贵㗎🙈)呢个羽衣甘蓝蘑菇豆腐沙律好特别Fusion菜咁豆腐好似中式斋铺嘅硬豆腐咁好香黄豆味啲菜够晒新鲜爽脆就不在话下混喺入面嘅核桃都无浸到淋晒咁样系咪可以证明啲沙律系每日新鲜制造唔系雪柜货？🤔Any肥 个沙律将羽衣甘蓝同豆腐完美结合味道好食又新奇呢个区域嘅冻盘我就无试听到隔篱台话右下角个南瓜冻汤几特别大家个肚有位又有兴趣嘅话不妨一试然后就到火腿同芝士喇！个辣肉肠肥瘦分布好均匀食落口有咸香有肉味个西班牙火腿就超重烟熏味又唔肥啱晒我呢啲重口味人士𠮶块中式牛𦟌卤得非常入味唔会得个死咸有诚意之作至于芝士我就钟意软芝士嘅所以就试咗呢两款Brie同EdamBrie嘅口感真系好软绵绵闻落有淡淡嘅奶香但食落就无乜奶味所以我就咁食 享受佢软绵嘅口感至于Edam嘅味道就稍稍强一点加埋块饼同提子一齐食啱啱好如果你同我一样接受唔到blue cheese嘅刚烈但又想解吓铺芝士瘾呢两款都值得一试之后就到面包喇
又试埋啲刺身寿司
接下来就要食返啲纤维落肚😂
其实沙律嘅款式都算几多
沟好嘅好似有成六款
不过现场实在系有太多好嘢食
所以我净系拣咗个有我至爱嘅羽衣甘蓝𠮶款嚟试
(细细声:羽衣甘蓝喺超市买都几贵㗎🙈)
呢个羽衣甘蓝蘑菇豆腐沙律好特别
Fusion菜咁
豆腐好似中式斋铺嘅硬豆腐咁
好香黄豆味
啲菜够晒新鲜爽脆就不在话下
混喺入面嘅核桃都无浸到淋晒
咁样系咪可以证明啲沙律系每日新鲜制造
唔系雪柜货？🤔
Any肥 个沙律将羽衣甘蓝同豆腐完美结合
味道好食又新奇
呢个区域嘅冻盘我就无试
听到隔篱台话右下角个南瓜冻汤几特别
大家个肚有位又有兴趣嘅话不妨一试
然后就到火腿同芝士喇！
个辣肉肠肥瘦分布好均匀
食落口有咸香有肉味
个西班牙火腿就超重烟熏味
又唔肥
啱晒我呢啲重口味人士
𠮶块中式牛𦟌卤得非常入味
唔会得个死咸
有诚意之作
至于芝士我就钟意软芝士嘅
所以就试咗呢两款Brie同Edam
Brie嘅口感真系好软绵绵
闻落有淡淡嘅奶香
但食落就无乜奶味
所以我就咁食 享受佢软绵嘅口感
至于Edam嘅味道就稍稍强一点
加埋块饼同提子一齐食
啱啱好
如果你同我一样接受唔到blue cheese嘅刚烈
但又想解吓铺芝士瘾
呢两款都值得一试
之后就到面包喇🤩
可能有人会觉得好傻
食buffet竟然食面包呢啲咁饱肚嘅嘢
但我真系太钟意食面包喇
(如果你有睇开我嘅食评就会明😂)
所以点都要分啲quota俾佢哋
仲要一试试三款🤣
先讲吓个面包条
好香好脆
啲意大利香草味道同佢脆脆嘅口感好夹
仲有少少似细个成日食嘅芝士棒
而上面𠮶个白啲嘅鲜奶面包系老公大力推荐嘅
佢食完话好好食叫我一定要试
面包确实系非常松软
但当然唔系X心空气包𠮶种空虚啦
个包同牛油系夹
但我就食唔到包嘅鲜奶味
加上松软口感系老公杯茶并非我爱之物
所以个鲜奶面包我唔会大推😆纯粹个人喜好
然后个迷你什榖包就正中我心意喇😍
咬开真系有好多唔同谷物系入面
例如南瓜籽等等
成个包有咬口得嚟又唔系要”齿”开𠮶种
你要用多啲心机同时间细味个包嘅面粉香气
同时间啲谷物又可以带crunch嘅感觉俾你
呢个包抵食！
(虽然食完明显feel到饱咗两格)
-
下篇分享好多自助餐都会做得较逊色嘅热盘
究竟呢间嘅熟食又食唔食得过呢？🧐
张贴
