板神鉄板燒日本料理 (The Hennessy) (已結業)

今次已经系第二次探访😋😋上次黎食铁板烧时见到有Omakase已经心动想试，仲要见到食评d评价都唔错，终于揾到时间黎试食，顺便庆祝情人节，book台时先知依家仲有限时优惠，二人同行、一人价钱🤩🤩真系超级无敌抵而且仲有得指定日本师傅，识讲同识听少少广东话，过程当中都会同我地解释下唔同既鱼生，惊我地唔明，仲拎本书指住比我地睇，真系超级细心环境好宽敞，再望住个富士山背景坐低感觉好舒服限时优惠既二人同行，一人价钱前菜三点，有个沙律刺身三点，仲有个北极贝冇影到，都好鲜甜牡丹虾寿司、好鲜甜鲷鱼寿司，同样都系好鲜甜小鳍寿司，落左d橙皮碎同几滴西柠汁，好fresh用左两种海胆，非常之鲜甜，一点苦涩味都冇，而且份量都好多好肥美既拖罗，入口即融，好有油香味，虽然食到最后有少少筋，但都唔影响个口感穴子寿司，鳗鱼既同类，入口好滑好鲜甜，火炙完好有油香味 油渍赤身，煎鱼，甜品，汤仲有几款寿司冇影到，但全部都好高质，好新鲜，日本师傅亦都好专业，而且服务态度非常好，比人感觉好亲切，可以以呢个价钱食到呢个质素，真心觉得执到👍🏻👍🏻相信呢间餐厅都储到唔少回头客，因为我已经系其中一个