魂 (已結業)

好耐之前有食过魂嘅拉面，今日突然想食返，发现原来搬左去太子。新舖环境大左好多，而且几新几干净🤔打开餐牌，见到多左好多选择，有乌冬有小食，全部都几抵有个鲭鱼定食，$42，平时日本餐厅食开都50几60，见佢几抵决定试下真系几好食，鲭鱼好入味（比起出面甜少少），珍珠饭煮得啱啱好，食得好开胃😂可能平时中伏太多，难得食到平平地又好食嘅，觉得好开心！😂（佢仲有另一个鸡扒定食，一样价钱，下次试）跟返啲专业食评家嘅用词，42$真系高性价比！加上位置几方便，以后去开太子都会过尼食，下次试埋啲乌冬同小食😙