風雲丸

前排食完沾麵發現好好味，原本想試吓一蘭拉麵，不過實在太多人排隊，條龍長到見唔到龍頭，最後友人推介呢間出名食沾麵既風雲丸。

呢間沾麵同其他好唔同，首先同一個價錢可以自行選擇麵既份量並盛200g、大盛300g、特盛400g，可以因應自己嘅胃口而決定，呢樣嘢睇得出佢哋好細心。

豚骨魚介沾麵

另外好鍾意佢哋用熱石鍋上湯底，可以令湯底保持熱辣辣，見到個湯底keep住沸騰，再放沾麵落去食感覺好爽，一啖一啖接着食。而且今次係我第一次食魚湯底，平時食開豬骨湯底，呢個反而食到魚嘅鮮味，就算湯底凍左仍然好好味

慢煮叉燒肉厚，叉燒同脂肪嘅比例剛剛好，肥脂位嘅油香好出

日式煎餃

日式煎餃好脆口