Sick Burger (MOSTown新港城中心(5期))

营业中

休息中

估唔到美食沙漠都竟然揾到好嘢食，之前都听过呢间汉堡包店，但一直未揾到机会去试，今日终于扚起心肝去咗食佢哋嘅burger估唔到仲发掘咗Hidden Gem🫡.先讲咗我个人最爱嘅开心果麻糬西多士，睇图都见到几咁足料啦，无论系开心果碎同开心果酱都好多。中间切落去会见到麻糬，有少少拉丝嘅感觉，西多士系新鲜整嘅所以会带少少脆口，再配埋开心果碎同开心果酱食落真系好正啊！.再嚟嘅系金沙咸蛋黄紫菜薯条，除咗因为系新鲜扎起，所以特别好食之外，佢炸之前感觉上好似裹咗一层咸蛋黄喺外面，食落带有咸蛋黄嘅香味。再配埋蛋黄酱，真系好正🤤呢个听讲系马鞍山先有嘅，佢都系一个手工嘅蛋面食落烟烟韧韧。上面仲配搭咗牛肉碎同埋蛋黄，食落去有少少日式嘅感觉，再配埋浓郁嘅蕃茄汤底食落酸酸甜甜。作为午餐，都系一个几好嘅选择。