影片
更多
2019-03-16
66 浏览
要食一餐有质素嘅法国菜，动不动每位就要过千，呢间价钱睇得过，而且好好食，环境格调高雅，情侣黎食一流💑首先店员送上餐前小食同餐包，呢两款系免费嘅小食系蟹肉三文鱼他他，味道特别~~餐包烘到热辣辣，外脆内松软绵密，又唔系空气面包，口感带烟韧，系高质嘅法式软包！搽上附随嘅牛油好夹，呢款唔系普通嘅牛油，而系混合左其他配料，出面食唔到，好特别！套餐好抵食，starter拣左法式白酒煮青口，上枱比我想像中多，同埋真系好好食!!未试过咁钟意食青口，平时食𠮶啲都系会韧或者无味，但原来新鲜嘅青口系咁好食！白酒加蒜煮好惹味之余，仲食到青口嘅鲜香！主菜方面野生大西洋银鳕鱼配西洋菜蓉及马铃薯面团呢个应该系我食过最出色嘅银鳕鱼扒！煎至双面呈微微的金黄色，肉汁完全封锁系鱼肉入面！入口鱼肉弹性，鱼鲜味一食就感觉到，脂香同滑溜口感真系肥美香甜！好 好 食！配料都绝不马虎，下面绿色嘅西洋菜蓉，完全系精华！浓郁到好似饮紧西洋菜汤😭❤️泡沫系由胡椒整成，真系有胡椒味，好特别！马铃薯面团一粒粒好似豆咁好得意！薯仔味香浓，一啖一粒💗另外一款必食推荐嘅西班牙黑毛猪鞍扒配苹果无花果甜酸酱，呢款就散点($348)不愧系大厨推荐，好正啊！
要食一餐有质素嘅法国菜，动不动每位就要过千，呢间价钱睇得过，而且好好食，环境格调高雅，情侣黎食一流💑
首先店员送上餐前小食同餐包，呢两款系免费嘅
小食系蟹肉三文鱼他他，味道特别~~
餐包烘到热辣辣，外脆内松软绵密，又唔系空气面包，口感带烟韧，系高质嘅法式软包！搽上附随嘅牛油好夹，呢款唔系普通嘅牛油，而系混合左其他配料，出面食唔到，好特别！
套餐好抵食，starter拣左法式白酒煮青口，上枱比我想像中多，同埋真系好好食!!
未试过咁钟意食青口，平时食𠮶啲都系会韧或者无味，但原来新鲜嘅青口系咁好食！白酒加蒜煮好惹味之余，仲食到青口嘅鲜香！
主菜方面
野生大西洋银鳕鱼配西洋菜蓉及马铃薯面团
呢个应该系我食过最出色嘅银鳕鱼扒！
煎至双面呈微微的金黄色，肉汁完全封锁系鱼肉入面！入口鱼肉弹性，鱼鲜味一食就感觉到，脂香同滑溜口感真系肥美香甜！好 好 食！
配料都绝不马虎，下面绿色嘅西洋菜蓉，完全系精华！浓郁到好似饮紧西洋菜汤😭❤️
泡沫系由胡椒整成，真系有胡椒味，好特别！
马铃薯面团一粒粒好似豆咁好得意！薯仔味香浓，一啖一粒💗
另外一款必食推荐嘅西班牙黑毛猪鞍扒配苹果无花果甜酸酱，呢款就散点($348)
不愧系大厨推荐，好正啊！厚切猪鞍扒可以做到咁juicy咁松软，毫无鞋口感，一啲韧都完全无！
而且肥瘦均匀，入口松软得黎有弹力，肉味香浓，连脂肪都香过人！伴碟嘅苹果无花果酱酸味突出，可以中和食猪鞍扒嘅腻感！其实猪鞍扒都唔会好肥腻，但只酱都整得好好食😻入面真系有无花果干，被我清晒🤤主菜加左个沙律🥗$78
估唔到份量几多下，沙律菜好新鲜，而且配柠檬油醋汁一啲都唔腻
套餐有埋甜品，系经典法式拿破仑~~
金黄色嘅酥皮，入口富层次感，松化香脆，忌廉香甜软滑，为今晚画上完美句号。
依家佢哋星期日至四有做5款红酒白酒任饮，每位只需加$168，感觉超抵！可惜我唔饮酒🍻～
张贴
