越一越南牛肉粉專門店 (已結業)

新年同屋企人去黄大仙庙拜拜，听同事讲呢间越南野大份夹抵食，位置近黄大仙街市，都唔难揾。环境都算阔落，播住耳熟能详的旧广东歌。我地叫左3个一人dinner set,$88已包主食、小食同特饮。猪颈肉檬粉 佢个猪颈肉超超超好食，猪颈肉应该系切片再用腌料腌过，边位煎到焦香咬落又唔嚡！推荐大家一定要试！而牛肉汤底都好够味。小食叫左酸辣凤爪，口感爽脆，味道刺激，甜、酸、辣同时冲击 真系错，而称赞佢整到好入味。捞檬餐鸡丝捞檬份量吓亲真系超级大份，味道偏清淡老人家一定钟意，所以钟意食浓味野的我就一般，不过餐台上有调味料畀你自己调味的。配料有鸡丝、青瓜丝、萝卜丝等！香茅鸡翼 （2只）炸到外脆内juicy,非常好，但得两只唔够喉。咖喱牛腩饭牛腩同薯仔炆得好淋又入味，肉质唔嚡很，咖喱味重唔太食到椰汁味，配上白饭绝配！仲有餐汤送添。扎肉蒸粉包 （2件）个人觉得粉包好好吃，我好钟意食肠粉，而粉包的皮有点像肠粉，所以特别爱吃，而扎肉就普普通通，冇惊喜。饮品跟餐叫左、椰汁红豆冰、椰汁三色冰同热咸甘桔水。我超推荐佢地个椰汁三色冰，珍多冰同三色冰的椰香超香浓，超好饮又唔会过甜！再叫左上汤生菜$20同越式猪扒包$48。