博多拉麵別天神 (已結業)

博多一向出名九州拉面，去九州玩完返嚟之后成日都对佢嘅拉面念念不忘，但系喺香港又好难揾到好似日本食咁高质嘅拉面。之前有朋友成日同我讲香港既博多别天神拉面有几咁正，今晚终于有机会去试吓啦本来都唔会带好高嘅期望，因为毕竟觉得香港嘅拉面冇可能可以好似喺日本食嘅咁正，点知真系好惊喜店面已经好有日本和风通常呢啲装修都会即时令到我对呢间店舖有期望， 今次果然冇失望店内设计都好似日本拉面店嘅感觉，麻雀虽小，五脏俱全。我同朋友不约而同咁都想试吓好多人推荐嘅别天神套餐煎饺子真系有日本嘅感觉个底好脆口，好好味跟餐沙律，有蟹籽，脆 bokbok仲好多小龙虾肉，好味前菜已经咁精彩，戏玉黎啦真系无夸张，超浓猪骨汤底，猪味好浓郁，极浓，极好味！！叉烧肉厚、大旧我喺香港食拉面好少会饮晒啲汤，但系今次我真系饮到一滴不留！因为感觉到佢嘅汤唔系用味精调出来，感觉好似好足料嘅猪骨熬出嚟浓汤顺带一提 只糖心蛋都系好正今次呢餐拉面真系好有日本既感觉极推荐