木船泰國粉麵專門店 (已結業)

一直都有帮衬开木船， 由于疫情关系 ，政府要求六点后唔可以堂食，只好叫外卖啦！呢个简单嘅外卖menu ，粉、面、饭类都齐，应有尽有。叫咗两个定食，再加钱要埋特色饮品 都系呢个价钱，真系抗疫价！！外卖包装都非常企理干净， 绝对值得一赞！！串烧鸡柳香叶肉碎大碗饭定食～ 香叶肉碎既香口又惹味 ，仲有蛋黄捞饭，够晒香滑顺喉！！食泰菜当然要饮埋冬阴功汤 ，酸酸辣辣嘅口味，真系非常开胃！！鸡柳串烧仲要有两串咁多而且鸡柳系非常之厚，绝无欺场！！ 仲要烧到香口无比！！招牌烧豚肉饭定食～ 叫得做招牌菜嘅item，果然冇令我失望！！先有酸辣嘅青瓜沙律，之后就系一片片豚肉，每片亦都可以做到㶶边香口 ，而且搽满咗浓厚嘅烧汁， 啲汁会慢慢地流入饭粒，令到白饭增添风味！加埋香滑蛋汁简直完美！！肉丸扎肉煎鸡汤～用料十足！！汤头香甜又够鲜味！！小食亦都唔马虎，除咗炸物之外，令我更欣赏嘅就系蛋沙律！！够营养之余亦好味！！呢一餐真系令我非常满意 ，一定会再次光顾！