Eiffel Bistro (已結業)

由外国人主理嘅法式餐厅Eiffel Bistro，场内座位舒适而且灯光气氛都唔错，HAPPY FRIDAY收工同男朋友黎食下先🌹。普罗旺斯杂烩 $68由栉瓜、甜椒、茄子、番茄同洋葱等食材制作嘅法式经典大杂烩，各种蔬菜加上番茄酱嘅配合，味道香浓而且酸酸甜甜咁又带有蔬菜嘅清爽口感，食落系非常之咁清新开胃🤤。虎虾忌廉浓虾汁扁意粉 $198十分之有惊喜嘅虎虾意粉，上枱一刻已经闻到好香嘅鲜虾香味，意粉挂汁做的好好所以望落去色泽均匀，每条意粉食落都充满著香浓虾汁，完全唔会干好juicy ，虎虾肉味道香浓得嚟保持到鲜嫩口感，绝对系我今年食过最正嘅意粉，个人俾足10个笑虾虾推介👍🏻。香蕉榛子朱古力酱法式薄饼 $98一直都好钟意呢种朱古力酱制作嘅甜品，而佢哋就较特别咁用上法式薄饼配搭，味道都无令人失望，香蕉味道清甜，榛子朱古力酱够晒香甜浓郁，法式薄饼松软口感令层次丰富好多，正👍🏻。