鐵板王 (已結業)

星期六人多见有位，就同朋友两个人入去食晚饭。一入到去就知出事，因为餐厅座位逼到完全无松动！I am not 仓鼠！但谂起而家铺租贵，就忍耐一下啦！坐得唔舒服就梗架啦！但空气唔流通，令人更加辛苦。加上地方太细，太多人太嘈啦！根本无晒心机同胃口。勉强食落去，d侍应又好心急收你碟，唔知到底唔够碟用呀？定因为张台太细呀？定想赶你走啦！隔离台后生仔好野呀，个侍应催佢地起码五、六次落饮品，佢地顶得顺唔落话转头先！个侍应少少发老脾。我唔得啦，食完快快走，又头痛又想呕。然后走多七步，发觉味精毒发，超口干！老实，我食野都好有弹性，好一餐唔好一餐，但我唔明点解呢间餐厅竟然有好评既？NO!!!!!!!!!!!!!!!!!!!!!!!!!!!!!! 不可一，不可再！向难顶餐厅说不！