影片
更多
2021-08-23
883 浏览
餐厅：良鮨寿司 (大埔)地址：大埔广福道77号地舖难得入到大埔揾朋友，紧系要叫朋友尽地主之谊带我去食好西啦🤤，朋友话做人要有良知，食日本嘢佢推介我去大埔呢间开咗大概2个月嘅良鮨寿司💛良鮨寿司星期一至六12点至4点有午市套餐(公众假期除外)，最平$58就有一个丼饭🍱，价钱都算平民化，价格唔会太贵，而且所用嘅都喺良心食材👍，基本上都系由日本运港🇯🇵，而我最著重嘅紧喺食材够唔够新鲜，无疑佢哋嘅食物的确高质，值得再嚟帮衬🤪(之后慢慢介绍)坐喺bar枱位置，可以近距离望住师傅预备食材，识睇一定喺睇佢哋处理食材嘅认真、洁净程度，仲有佢哋切鱼生时嘅刀工🔪。坐低无耐就先比咗碟红酒荞头我哋食，爽口得嚟非常开胃，另外叫咗个有爆多蟹籽嘅蟹籽沙律($35)，it’s a very good start😎✝️良鮨寿司拼盘 $538 呢个拼盘以木桥造型嘅托盘送上，里面有大拖罗、中拖罗、赤身、牡丹虾🦐、葱拖罗蓉军舰、日本海胆军舰各两件，共十二件寿司🍣，另外仲有一条切成六件嘅铁火卷，即喺将吞拿鱼夹喺寿司饭当中，再用紫菜卷起整成嘅卷物。呢个拼盘主要用嘅食材喺蓝鳍吞拿鱼，鱼嘅上半部分即鱼背就叫做赤身，喺吞拿鱼又瘦又红嘅肉，
地址：大埔广福道77号地舖
难得入到大埔揾朋友，紧系要叫朋友尽地主之谊带我去食好西啦🤤，朋友话做人要有良知，食日本嘢佢推介我去大埔呢间开咗大概2个月嘅良鮨寿司💛
良鮨寿司星期一至六12点至4点有午市套餐(公众假期除外)，最平$58就有一个丼饭🍱，价钱都算平民化，价格唔会太贵，而且所用嘅都喺良心食材👍，基本上都系由日本运港🇯🇵，而我最著重嘅紧喺食材够唔够新鲜，无疑佢哋嘅食物的确高质，值得再嚟帮衬🤪(之后慢慢介绍)
坐喺bar枱位置，可以近距离望住师傅预备食材，识睇一定喺睇佢哋处理食材嘅认真、洁净程度，仲有佢哋切鱼生时嘅刀工🔪。坐低无耐就先比咗碟红酒荞头我哋食，爽口得嚟非常开胃，另外叫咗个有爆多蟹籽嘅蟹籽沙律($35)，it’s a very good start😎
✝️良鮨寿司拼盘 $538
呢个拼盘以木桥造型嘅托盘送上，里面有大拖罗、中拖罗、赤身、牡丹虾🦐、葱拖罗蓉军舰、日本海胆军舰各两件，共十二件寿司🍣，另外仲有一条切成六件嘅铁火卷，即喺将吞拿鱼夹喺寿司饭当中，再用紫菜卷起整成嘅卷物。
呢个拼盘主要用嘅食材喺蓝鳍吞拿鱼，鱼嘅上半部分即鱼背就叫做赤身，喺吞拿鱼又瘦又红嘅肉，食落较实而有咬口；下半部分属鱼腩位即喺拖罗，脂肪比较多，放入口即溶而且充满天然嘅鱼油脂甘香😋。良鮨以鲜拖罗去整成各款寿司，平时出面食一件成条鱼最肥美嘅部分——大拖罗都要$70-80，呢个拼盘真系比你试匀蓝鳍吞拿鱼唔同部位。
海胆亦都好丰富，一啲腥臭味都无，认真唔话得👍
✝️原条日本直送时令左口鱼 $320
师傅话今日返咗批好靓嘅左口鱼🐟，所以我哋就叫咗条嚟试吓，原来餐厅每日都会有各式各样日本直送嘅时令鲜鱼到店，所以每日提供嘅新鲜时令鱼同刺身都唔一样，只喺希望将最靓嘅鱼制成最好嘅食物呈现喺食客面前🤩，
呢条左口鱼薄切刺身每一件都均匀细腻，大小切得差唔多、厚薄度基乎一样😻，入口滑溜，蘸埋餐厅嘅秘制酸汁简直无可挑剔😌。而餐厅啲时令鱼除咗整成刺身之外，鱼骨仲会整食两食包括鱼骨汤同炸鱼骨小食，物尽其用👻
✝️日本北海道仙凤趾生蚝 $75/只
讲到时令特色又点可以唔提呢款北海道仙凤趾生蚝🦪，除咗体积肥美有半只手掌咁大之外🖐️，
味道仲相当creamy，入口超滑而且浓郁鲜甜，有「海中牛奶」嘅美誉🥛，包你食完之后会想食第二第三第四第五只😼，想知有咩时令生蚝就要问店员喇🧑🍳
✝️焦糖鹅肝寿司 $42/件
平时食半熟或者煎嘅鹅肝就食得多，焦糖鹅肝都真喺比较少试🤔，焦糖嘅甜香出奇地中和咗鹅肝嘅油腻感🤫，食落完全唔觉得好溜，加上寿司饭吸收咗鹅肝嘅油脂香，食起上嚟香味同层次更加丰富
✝️蒲烧鳗鱼饭 $68
一开始讲到午市套餐咁抵食，又点可以唔介绍吓比大家😏？只喺$68，喺$68啊‼️，你睇吓呢块蒲烧鳗鱼几大块，真系讲都无人信😂，厚得嚟仲烧得好惹味，无烧到过龙，想平平哋食真系要试吓
老板时不时亦会周围揾唔同嘅限量版清酒，拎呢只历史悠久、被日本文化厅列为日本遗产嘅「伊丹诸白」做例子🍶，2020年喺佢哋470周年纪念，全球限量发售咗1000枝以创新改良「诸白仕込」技术精制嘅超特选伊丹诸白大吟酿，餐厅入手咗3枝，想试就快，因为卖晒就无🙊，好嘢又限量嘅嘢永远都喺先到先得㗎啦。佢哋仲有各款嚟自日本嘅梅酒、汽水🇯🇵，而成部生啤机喺餐厅入面唔知又吸唔吸引到你呢🍺？
顺带一提，外卖自取有9折优惠，喺学生嘅话再送多罐饮品👨🏽🎓👩🏻🎓，千祈唔好错过呢啲优惠🤡，快啲去揾返属于自己嘅「良鮨」啦
张贴
