影片
更多
2020-11-15
109 浏览
天气开始有啲冻，最适合食啲咩？紧系打边炉啦🤤咁当然打边炉吾系净系适用于秋冬天，其实香港人无时无刻都好中意打边炉🍲「发哥粥底海鲜火锅」本身听都听过几次，食就真系未食过，上一次食粥底火锅已经系N咁耐之前嘅事，好似系呢几年先流行，做法系将海鲜整好兼食晒先，咁啲精华就会滴晒落啲粥度🤤谂起都觉得好味。值得一赞嘅系，里面嘅环境非常宽敞，我同朋友两个人去，都坐到卡位，座椅亦舒适。主食有龙虾餐、海蟹餐、大胃王海鲜套餐、古法枝竹羊腩煲，大胃王海鲜套餐有晒原只龙虾同埋海蟹，真系啱晒大胃王食😆可以拣新鲜鲍鱼或者冰镇鲍鱼，仲包埋多款海鲜！要注意番右边咁多款火锅配料吾系全部都有齐晒，只可以拣8款呢。冰镇鲍鱼虽然我哋系拣咗新鲜鲍鱼，老板好好人咁比埋冰镇鲍鱼我哋食☺️鲍鱼都几大只😍配以胡麻酱，中意都可以点黎试吓。个人觉得冻食嘅鲍鱼系比平时热食戈啲更多咗一份新鲜，同埋冻冻哋食个口好清凉🤣时令炖汤套餐包埋时令炖汤一盅，吾知系咩汤黎，饮得出好似系虫草花乌鸡炖汤，虫草花味道几明显，饮落好清甜，油份吾多。重点入面嘅鸡肉好多，鸡肉嫩滑，食完都几满足。前菜同炖汤都品尝咗，系时侯试吓重头戏 ——海鲜！除咗龙虾餐嘅龙虾，仲有蛏子、贵妃
值得一赞嘅系，里面嘅环境非常宽敞，我同朋友两个人去，都坐到卡位，座椅亦舒适。
主食有龙虾餐、海蟹餐、大胃王海鲜套餐、古法枝竹羊腩煲，大胃王海鲜套餐有晒原只龙虾同埋海蟹，真系啱晒大胃王食😆可以拣新鲜鲍鱼或者冰镇鲍鱼，仲包埋多款海鲜！要注意番右边咁多款火锅配料吾系全部都有齐晒，只可以拣8款呢。
冰镇鲍鱼
虽然我哋系拣咗新鲜鲍鱼，老板好好人咁比埋冰镇鲍鱼我哋食☺️鲍鱼都几大只😍配以胡麻酱，中意都可以点黎试吓。个人觉得冻食嘅鲍鱼系比平时热食戈啲更多咗一份新鲜，同埋冻冻哋食个口好清凉🤣
时令炖汤
套餐包埋时令炖汤一盅，吾知系咩汤黎，饮得出好似系虫草花乌鸡炖汤，虫草花味道几明显，饮落好清甜，油份吾多。重点入面嘅鸡肉好多，鸡肉嫩滑，食完都几满足。
前菜同炖汤都品尝咗，系时侯试吓重头戏 ——海鲜！除咗龙虾餐嘅龙虾，仲有蛏子、贵妃蚌、多宝鱼、黄金蚬、海虾、时令贝。全部海鲜都好新鲜同埋冇海水味，尤其系蛏子同埋海鲜，真心系大只同埋啲鲜味出晒黎👍🏼
🐚另外系想讲讲黄金蚬，因为数量都几多😳大小就有少少细🤏不过并冇因此而影响佢嘅鲜味，蚬肉味道新鲜清甜。
话明好戏在后头，就紧系去到呢个时候先介绍龙虾🦞龙虾整熟咗个大小都几惊人😱超大只❣️虾肉十分弹牙，都系好鲜甜，食完系超满足。
蒜蓉泰酱焗青口
店员同我哋讲呢个要新鲜热食，所以好快就食咗。表面有三文鱼籽作点缀，泰酱味道浓郁，有少少酸辣，同青口同埋三文鱼籽几match👍🏼青口本身都吾会话腥。
🍄顺德酿冬菇
呢款系老板推介我哋食嘅，其实系冬菇里面有虾胶，又几特别㖞😁整熟咗之后食，虾胶味道都有嘅，虾肉爽口弹牙，连埋冬菇都算match到。
🐮 安格斯牛肩肉
牛肩肉向来系我喺牛肉入面最中意食嘅部分，牛肩嘅质素都ok，脂肪吾多，切到薄薄哋咁，食嘅时候软稔易咬，牛肉味道尚算香浓。
🍚 粥底
食晒咁多样野，终于到第2样重头戏，粥底～粥底火锅应该都多人食过，真系成碗粥呈上大家又试过未？除咗粥之外，仲有南瓜粒同埋菜脯，食嘅同时有适量嘅南瓜味，食粥戈阵又食到海鲜嘅精华。
张贴
