影片
更多
2020-03-28
134 浏览
早几日同老公、攸桐妈、蔡爸一齐去打边边，屈左咁耐，都要松一松既，就一次咁多啦！今次我地去左楼下火锅饭店，去到，佢个门口好以真系返左儿时年代，霓虹灯既招牌，推门入去见到鱼缸，有好多游水海鲜，跟住就好系佢个名咁要落楼下，入到去地方超大，连厕所都以男界、女界呢d字眼做分别，而家真系见唔到。我地入到去，服务员超好既服务，因为我地4人，佢就比咗张6人枱我地，跟住佢地就拎调味料同配料比我地，重点一提，佢地见我地整好调味料后，佢地特意攞左一碗由厨房秘制既干葱油比我地加入调味料度，哗，呢个真系不得了，拎到黎已经香到不得了，比麻油更香，佢带有干葱既香味，我老公即刻话，好彩今次冇饭食，如果唔系就大件事啦！用黎捞饭，又唔知食几多碗先够。我地叫左双拼汤底 - 椰子鸡同大红袍麻辣汤底（原来佢系大红袍火锅），黎到时，我地试饮左椰子鸡汤底，佢好重咸猪骨味，偏咸咗少少，但佢个麻辣就应该啱香港人口味，唔会太重花椒味，唔会得个死辣同死麻，同正宗四川系有少少唔同，我地四个都一至赞好既。鸭血佢真系鸭血黎嫁，煮几耐都系滑啲啲，又唔会散，唔同出面，猪红扮鸭血，一夹就散，又嚡。鱼卜出面唔系好多地方有，有都好贵，我系街市买都要$3一
今次我地去左楼下火锅饭店，去到，佢个门口好以真系返左儿时年代，霓虹灯既招牌，推门入去见到鱼缸，有好多游水海鲜，跟住就好系佢个名咁要落楼下，入到去地方超大，连厕所都以男界、女界呢d字眼做分别，而家真系见唔到。
我地入到去，服务员超好既服务，因为我地4人，佢就比咗张6人枱我地，跟住佢地就拎调味料同配料比我地，重点一提，佢地见我地整好调味料后，佢地特意攞左一碗由厨房秘制既干葱油比我地加入调味料度，哗，呢个真系不得了，拎到黎已经香到不得了，比麻油更香，佢带有干葱既香味，我老公即刻话，好彩今次冇饭食，如果唔系就大件事啦！用黎捞饭，又唔知食几多碗先够。
我地叫左双拼汤底 - 椰子鸡同大红袍麻辣汤底（原来佢系大红袍火锅），黎到时，我地试饮左椰子鸡汤底，佢好重咸猪骨味，偏咸咗少少，但佢个麻辣就应该啱香港人口味，唔会太重花椒味，唔会得个死辣同死麻，同正宗四川系有少少唔同，我地四个都一至赞好既。
鸭血
佢真系鸭血黎嫁，煮几耐都系滑啲啲，又唔会散，唔同出面，猪红扮鸭血，一夹就散，又嚡。
鱼卜
出面唔系好多地方有，有都好贵，我系街市买都要$3一个，佢而家大约$5x都有1x个，真系抵食既。
安格斯牛颈脊
呢个又系超正，只需要7上8下就可以食，脂肪均匀，超重牛味，平时食牛，我唔要见到粉红色，但食佢我系接受到，呢个真系要食。
鱼皮饺
我要食完一碟再叫多碟，唔洗我讲啦，你地明啦！
鬼马油炸鬼
油炸鬼让咗墨鱼滑再加上蟹字，出面食，最怕墨鱼滑未熟油炸鬼已经淋晒，佢呢吓劲呀，我地唔记得左，煮左好耐食，佢既油炸鬼仲脆嫁。
黑松露蟹肉饺子
问心，我唔钟意黑松露，加上佢配上蟹肉，我觉得一般，但黑松露令到蟹肉既味更突出。
脆皮午餐肉
呢个又系正野，食麻辣又点会冇左午餐肉呀，佢攞到黎已经好香午餐肉，落到汤底，煮一阵已经入晒味，简直外脆内软。
黄喉
爽脆，唔会淋晒，配麻辣锅，又系一流。
黑柏叶
又冇异味，好爽口，同样只需7上8下就食得，煮得太耐又系唔好食。
墨鱼滑
好新鲜，捞埋蟹子，食落有卜卜口感之余，墨鱼滑又鲜又弹牙。
脆肉脘鱼骨腩
两个字可形容，”鲜” 、”脆”。
羊肉
因为我唔食羊，所以我冇试过，但老公话佢可能太薄，羊苏味唔够。
炸鱼皮
呢个真系重点推介，佢拎到埋黎仲听到卜卜声，仲热嫁，够薄身，我地全部人都系就咁食，完全冇浸到落底。
顺便一提，佢地既服务真系细心到一个点，我地真系太钟意佢既椰子汤底啦，我地不断饮汤，佢地竟然留意到，完全唔洗我地叫加汤，次次都系佢地主动加汤，我地就问，点解知道我地要加汤呢？佢地就话见到我地系咁饮汤，而且椰子鸡汤果边每次加汤时都发觉比麻辣汤少好多。你地话呀，咁细心既服务边度揾呀！
最后，我地食饱饱谂住埋单时，佢地又行埋黎，仲问我地食物如何?够唔够食?好唔好食?之后仲话有雪糕送比我地食（呢个系数量有限）。
雪糕 - 豆腐、紫薯、云呢拿同榴梿味，当然唔好错过我最爱既榴梿味啦！佢攞到埋黎，一见到就哗左出黎，佢地竟然送 Fruttato，其他味我就唔知，但佢既榴梿雪糕真系超正，真系有果肉嫁，仲要用榴梿做成，唔同其他牌子，得好假既榴梿味，又冇果肉，真系正到晕呀！食埋个雪糕，呢一餐真系超级完美。
25 浏览
0 赞好
0 留言
张贴
