Carbs? (裝修中)

最近发现铜锣湾多咗一间精致西餐厅，位置都系喺L square入面，非常方便，所以今日喺铜锣湾收工就决定上嚟试吓。一上到去，已经俾个装修吸引住，系好有少女风嘅拱形枪，加埋开放式厨房嘅设计，成个感觉都好舒服。食物方面觉得所有嘢都几新鲜，同埋感觉到厨师真系有谂过先放上餐牌嘅，有heart！首先第一样我见到好想叫嘅就系蒜泥黑肉，以前中餐厅食蒜泥白肉就多，呢度就系用咗pastrami，所以先系合用，作为一个小前菜，真系几特别。我不嬲都系青芥酱迷，所以见到爆谷虾焦糖花生青芥酱就即刻叫。呢度个爆谷虾做得好好，有一层好薄又脆嘅炸皮，加埋甜甜地嘅walnut，口感好丰富。龙虾芝士通粉唔好睇佢细细碗，其实好足料，好难得地啲通粉仲有好q弹口感！小羊架配羊肚菌同南乳呢个组合都好特别，第一次食西餐用南乳酱料，感觉就好似食紧一个羊腩煲咁样，唔好睇佢个羊架好似好生，但系其实识落一啲腥味都冇，更加好嫩滑！本来其实应该都够饱㗎啦，但系见到佢个margherita pizza 好似好吸引，尤其pizza底，所以都叫埋！两种cheese加埋本来已经无敌，但系个饼底先至系终极赢家，口感超好，呢个真系必点！