紅番茄餐廳 (已結業)

深水埗原来有一个咁好食既西餐厅，好彩今日同男朋友拍拖周围行下先发现，真真正正既平靓正！！真系超级推荐所有人黎试下，包你一试回味！入面既装修，环境非常非常之靓！劲有情调，我地睇到都觉得好浪漫！地方唔算大，但环境真的好正，枱椅餐具超级干净，好舒服～先黎个餐汤，我地一人要一款，一个蕃茄薯仔汤，一个忌廉白汤，忌廉白汤比较清，蕃茄薯仔汤既蕃茄好足料，蕃茄味劲浓。跟住就系呢个牛油多士，非常脆口，份量岩岩好。跟住就黎主菜啦，我就叫左个日本空运肥牛肉眼扒配蒜蓉汁跟白饭，好厚既一块扒，牛味劲浓，有小小牛既肥膏，但食落去唔会太油，仲好香！男朋友就叫左个西班牙黑毛猪二件配黑椒汁跟意粉，劲大块又厚既两块黑毛猪扒，第一次！真系第一次食到咁嫩咁好食既猪，唔会"鞋"口，唔会老，啖啖又香又滑又嫩既肉放入口，回味无穷呀！！我地另外仲叫多左个厚切原条鳗鱼，真系原条咁大条，烧得岩岩好，又嫩滑，又厚，好有口感。最后仲有甜品同饮品，甜品好似次次唔同，餐厅推介。今日就有呢两个，啫哩同抺茶雪糕！每人先百几蚊，有咁多野食，会唔会太过抵食呀？超级推荐呀！