武士拉麵 (已結業)

去开尖沙嘴，虽然已经到左泡菜街，但又唔想食韩国菜，试左间武士拉面，天寒地冻食拉面真系无得顶喔喔喔喔喔!! 单看门面，已经觉得好有日本拉面店风味！果然无令我失望墙上好贴心可以挂起自己既外套，另外枱下面都有勾，可以挂袋~叫左碗足利将军拉面(黑蒜油猪骨汤拉面)。一上枱果阵见到成层油系面头都觉得几淆底。但原来一食落口，唔系好油腻，反而仲有好香好香既猪骨同黑蒜油味，汤底唔会太咸，但够哂浓郁。D汤底真系可以挂系拉面度咖！溏心蛋都好好食~真系溏心黎lol又香又滑~ 入面仲有两块叉烧,大量既爽脆木耳同两大片紫菜~真田将军拉面(猪软骨拉面)呢个猪软骨真系无得输!!!一咬落去，几乎系入口即溶，而且非常入味，腌制得好好食,super like!! 汤底望落系有d油，但实质系超浓郁既猪骨汤，且唔会好咸，真材实料!! p.s. 猪软骨来自日本哦！店长好有心，几乎会问每一枱客人既意见，以及介绍自己拉面既做法。香港系需要呢d有heart既小店rather than 一间又一间既大型连锁店。