十戶 (已結業)

今次特登去咗土瓜湾食一间居酒屋，因为之前路过几次见到好似几吸引去到个环境好靓，好有日本居酒屋嘅感觉，同埋个环境都好干净。前菜叫咗酒盗芝士，味道偏浓，不过都几好味，不妨一试。另外叫咗一个枝豆，都几大碟几抵食。之后见到今日有日本真蚝，估唔到咁大只，一啖食落口成个口都充斥着鲜蚝味。烧物就叫咗烧免治鸡肉棒(付无菌鸡蛋)，每次去居酒屋都必定会叫嘅食物，串鸡肉棒配埋个蛋汁真系一绝。豚腩肉包糖心鸡蛋，因为太大只所以用刀切开，入面系一只留心蛋，配埋出面够脆脆地嘅猪腩肉，超级好味。仲叫多咗鸡皮同茄子，都系平时必叫嘅烧物。刺身就叫左五点盛，全部都新鲜，一放入口就充斥着浓浓嘅鱼生味。因为我地好钟意食虾，所以试埋佢哋个炸虾天妇罗，呢度个天妇罗做得几好，上碟𠮶阵时唔会油淋淋。最后叫多咗个烧饭团送清酒，为今晚嘅晚餐画上一个完美嘅句号。