Press Enter (已結業)

我最中意食甜食大家都知，要拣甜品窝夫实系三甲之选。谂起𠮶件外面脆入面软嘅窝夫，甜到漏嘅朱古力酱，新鲜嘅生果，冰冻的雪糕。。晔，神物丫！今次一入到餐厅，我已经选左个窝夫甜品。点知。。比人拒绝左，话成日食窝夫好厌㖞。即时我就唔发表任何意见，哼！方向面对住拒，拒都唔理我㖞，仲叫左个咸味嘅和牛窝夫pizza，乜嘢嚟架，激死我甘制！点知食完之后，我竟然爱上左，你千其唔好谂住我讲嘢系好夸，自己试下就知我无讲错。一嚟到有种松露的香气，再加小小窝夫的香，已经好吸引。配料有红，青，黄三种椒，洋葱，霜降和牛，好多好多嘅芝士，香草。味道得超好食可以形容，窝夫嘅口感软熟弥补左pizza口感干身的缺陷。甜味增加左尝味的层次，先咸后甜，比起食芝心批来得更好。和牛看落有小小干身，但食落唔会。有牛肉香味，而且足料。一个pizza 可分8件，一定一定系必食嘅推荐！香芒虾沙津--芒味切成片状与虾叠成花塔，样子漂亮。用上千岛沙律酱做调味。另加沙津菜，香醋为酱汁。手工芝士猪肉卷--睇个名初头以为系类似墨西哥卷，出面系包，入面系猪肉。原来唔系，系猪肉做外层，芝士同露荀做馅料。外层猪肉为薄片，咬落有口感，入面再加露荀，口味清新。