港城茶餐廳

营业中

休息中

今日要去伊院，一出地铁就见到呢间，知道沿途无其他选择，就入去！叫左碗雪菜猪排米线！等面期间，有对年老母子入黎，个婆婆揸拐杖，叫左野食就起身去洗手间。个侍应小妹妹叫婆婆放底个袋先，仲帮手除底个袋！仲不停提醒婆婆小心行，慢慢行，好乖呀！唔知系咪见到好人，宁舍觉得碗面好食！个汤好浓，好正！雪菜好入味！其间有人想坐我张枱，但其实我仲有家人黎紧！我同侍应妹妹讲声，佢醒目到攞杯水黎，话放系度就可以唔洗啲客坐左如果我朋友要请人，我一定会叫佢黎刮角！呢个年头，咁乖咁醒既年青人真系唔多！系我差唔多食完碗面既时候，我家人黎左，但佢居然话唔食，我那那林食完比返个位人，走时同妹妹讲唔好意思，佢笑笑口话唔紧要，仲同我byebye,你好乖呀我每次去伊院，都一定会黎帮衬你的