影片
更多
2024-02-16
2023 浏览
终于食到bookmark左好耐嘅西班牙红虾饭，果然超浓超好食！估唔到其他菜式同样精致有惊喜！小餐馆装潢较为简约，氛围轻松毫不拘谨。tasting menu性价比几高！食材配搭有心思，质素可媲美fine dining店主透露左营业多半年就会返家乡欧洲，大家想试记得把握机会啦！小店座位唔多，最好预早book定————————————————⠀✨Signature Menu $808pp1️⃣OYSTER 2.0以莴笋同哈密瓜配搭法国生蚝~ 为饱满爽滑带矿物味嘅生蚝 增添左一份香甜清新以及爽脆口感。2️⃣CANNELONI薄脆嘅canneloni塞满雪蟹肉同爽脆苹果，特别欣赏面头清新微涩嘅bitter lemon酱~3️⃣CAVIAR BEIGNET 🌟🌟🌟当晚最有惊喜嘅一道！法式冬甩外层好薄好脆，咬开就见到满满嘅橙皮红萝卜purée，口感软滑 甜中带酸，跟烟熏鳗鱼同咸鲜鱼子意外地搭！4️⃣TUNA TARTARE TO SHARE吞拿鱼他他同平时食开嘅有啲唔同，比较似保留左吞拿鱼粒嘅软滑吞拿鱼酱，拌匀蛋黄更滑溜。食落辣辣地带微酸，加埋香甜青提同薄脆带咸香嘅
店主透露左营业多半年就会返家乡欧洲，大家想试记得把握机会啦！小店座位唔多，最好预早book定
————————————————⠀
✨Signature Menu $808pp
1️⃣OYSTER 2.0
以莴笋同哈密瓜配搭法国生蚝~ 为饱满爽滑带矿物味嘅生蚝 增添左一份香甜清新以及爽脆口感。
2️⃣CANNELONI
薄脆嘅canneloni塞满雪蟹肉同爽脆苹果，特别欣赏面头清新微涩嘅bitter lemon酱~
3️⃣CAVIAR BEIGNET 🌟🌟🌟
当晚最有惊喜嘅一道！法式冬甩外层好薄好脆，咬开就见到满满嘅橙皮红萝卜purée，口感软滑 甜中带酸，跟烟熏鳗鱼同咸鲜鱼子意外地搭！
4️⃣TUNA TARTARE TO SHARE
吞拿鱼他他同平时食开嘅有啲唔同，比较似保留左吞拿鱼粒嘅软滑吞拿鱼酱，拌匀蛋黄更滑溜。食落辣辣地带微酸，加埋香甜青提同薄脆带咸香嘅seaweed cracker，口感丰富，味道浓郁。
5️⃣SPICY OCTOPUS / CARABINERO XL (add $168)
🐙SPICY OCTOPUS
八爪鱼弹牙得黎唔会好韧，外皮仲有啲爽脆口感。千层薯仔外微脆内软腍，好重牛油味
🦐CARABINERO XL 🌟🌟🌟
招牌菜！西班牙红魔虾超大只，肉质爽弹虾味浓。饭粒烟韧裹满creamy酱汁，将虾头澎湃嘅虾膏加入risotto，鲜上加鲜！几钟意risotto嘅调味，番茄酸味突岀不失虾味，同鲜美虾膏完美融合，又可以一减腻感。
6️⃣MADELEINES / WHITE CHOC (add $78)
🍯MADELEINES🌟🌟
新鲜焗起嘅madeleine无得输！外层焗到有啲薄脆㶶边，内𥚃湿润软熟带空气感，甜度适中带伯爵茶清香。
— — — — — — — — — — — — — ⠀⠀
✨Today’s Special
🐟New Zealand Ora King Salmon en Brioche, Morel stuffed with salmon mousse, vin jaune sauce with Ikura 🌟🌟
今个星期限定！薄薄一层富牛油香嘅brioche 夹住嫩滑多汁鱼味浓嘅三文鱼。酱汁用上我好钟意嘅黄酒汁，加埋咸鲜爆汁嘅三文鱼籽，系我抗拒唔到嘅combo张贴
