花花宮煮 (已結業)

餐厅开咗数月，因为住餐厅楼上，所以与家人差不多每星期都帮衬2-3次，有时堂食有时就打电话到餐厅由姨姨送到屋企；堂食时最钟意餐厅干净企理，职员都好有礼貌，唔会食食下突然有粗口送饭；食物就最钟意食餐厅招牌「开心乐园餐」，即系叉烧配三只蛋，叉烧好好味，问咗原来系厨师哥哥自己烧嘅，三只蛋仲要系太阳蛋，流黄㗎，再配埋好好味嘅豉油汁，每次连最后一粒饭都食晒！仲有系厨师哥哥好有心机，全部食物摆盘都好靓，啲碗碟都好精美，食得特别开心；外卖送上门就最满意系食物仲热辣辣，不过有时就要等耐啲先送到啰！