烏蠅館 (已搬遷) 新店位置

香辣烤多宝鱼服务去到好多人食，但系甘多人啲侍应服务非常好，招呼周到，会黎介绍今日送嘅三款素菜，烤鱼到之后五分钟会黎帮你打开盖，当佢见到啲野食晒会黎收起啲碟，仲会将啲食物摆近啲，真系赞。烤鱼叫左招牌香辣多宝鱼，好大一条，肉质又白又滑，仲好惹味添，食完一面番另一面嘅时候仲入味，见到颜色都渗透左入去，辣得黎又香，香得黎又好味，简单啲黎讲色香味俱全。今日送云耳、莴笋、冬菇，超正。见到每枱都叫宽粉，紧系要嗌黎试下啦，佢好似薯粉，阔啲，好有咬口，煮耐少少已经好入味，佢嘅鱼腐好大粒，好好味。娃娃菜好新鲜好干净。桂花蜜糖加奶盖佢好吸引嘅系所有饮品都可以加奶盖，佢嘅奶盖够浓，成杯搞混好清甜，食完辣烤鱼饮番杯简直好爽。