有間茶記响附近

营业中

休息中

新开张食过早餐同午餐好抵食又几好味，所以朋友生日专登去试吓佢哋晚餐！总共七个人点咗12个小菜几杯特色饮品！超有惊喜，重点推介肉丝脆脆面，超好食呀😋😋药膳蒸鸡、菠萝咕噜肉、姜葱鱼云煲同辣子鸡超水准，估计大厨应该系隐世高人全部有镬气，味道恰到好处！食素嘅朋友真系要试吓佢嘅南乳斋煲仲好食过素食店！我哋试咗红豆系列嘅特色饮品，红豆咖啡系炭烧味，红豆非常腍真系好好饮，重点推介！朋友话红豆奶茶同传统红豆冰都好正👍店员都非常健谈，听讲可以order海鲜或者海鲜来料加工我哋决定下次再试！价钱性价比超高！真系真心极力推介