駒記海鮮大排檔

营业中

休息中

耐冇喺香港食过大排档，今次嚟到呢间大排档环境好干净👍🏻啲碗筷都系冇油渍！呢点真系好抵赞😍店员都好友善，而且啲嘢食都几有镬气🙌🏻避风塘炒细蟹（$300）虽然佢话系细蟹，但系出到嚟都几多肉😍同埋想赞下系膏蟹嚟㗎！所以都食到好多膏💗嚟到都仲系热辣辣，调味上都啱啱好！椒盐大濑尿虾（$100）只濑尿虾又真系几多肉下，濑尿虾海水味都几重、同埋食得出几新鲜😳潮州卤水拼盘（$104）呢个卤水拼盘系超大份，而且有劲多配料😆有鹅肠、猪耳、墨鱼、肾、大肠、猪颈肉同卤水豆腐🤩所以攞嚟𩠌酒真系一流🍷蒜蓉烧生蚝（$95/两只）佢啲生蚝成个手掌咁大！而且蒸得啱啱好😍真系有种喺大陆食蒜蓉烧生蚝嘅味道！