金船長餐廳 (已結業)

朋友自从做左妈妈之后，就劲难约到时间食饭，难得今日大家突然间有时间，梗系要食个饭吹下水啦贵为妈妈级食过饭都劲多顾虑，又唔敢离屋企咁远，于是就就一就佢喺大角咀食，佢话佢屋企果边有间西餐厅都几出名，好好食，问我有冇兴趣试吓，都傻傻地嘅，凭系好嘢食我都有兴趣试㗎啦，一于跟佢去一探究竟餐厅唔算难揾，我唔太熟路都行得到，一入去已经好快咁安排左张四人枱比我地，坐得都几舒服。法式鹅肝多士配苹果沙律呢个鹅肝真系超夸张，激大块，有成三安士，一咬落去口感绵密，浓郁香醇，配埋苹果沙律慢慢食，劲滋味法式焗田螺田螺牛油味香蒜味超级香浓,配埋佢隔离脆卜卜嘅法包一齐食，减淡左油腻感之余亦都带出左田螺嘅香蒜鲜甜味。烧纽西兰羊架羊肉唔太苏，肉质亦都鲜嫩多汁，朋友唔太钟意食羊，但系呢个羊唔点酱佢都食到黑松露芝士焗pizza侍应话佢哋呢个Pizza系攞酱，既然一场黎到点可以唔试吓，呢个Pizza外层松脆，一咬开内里嘅黑松露味涌出嚟咁滞，而且里面嘅芝士味同黑松露味劲match,真系超好味呀原味焗疏乎里估唔到呢度嘅疏乎里咁出色，唔会太甜，上枱时热辣辣，即叫即整，蛋香味浓，好食饮埋个士多啤梨沙冰慢慢倾，成件事劲圆满