鮨幸 (已結業)

鮨幸真係好岩收工約fd想膝足詳談又想食好嘢慰勞下自己嘅好地方！ 呢間曰本野由菜式、師傅手藝、氣氛環境、服務態度都好高質！我地叫左三個dinner set ，一黎前菜就已經好驚喜，擺碟好有心思仲建議我地食嘅次序。刺身方面有福岡生蠔 北海道馬糞海膽 ，講真自己去旅行都去過呢個地方嘅魚生市場食 係好好食，呢到嘅都無令人失望 新鮮就基本啦～完全無腥味好鮮甜好幸福😂好想叫一打生蠔咁食，講起個份量我覺得鮨幸別有用心，即使係女仔 每一次上菜個份量恰到好處 唔會好快飽左食唔落。然後陸續到深海嘅白肉魚 去到濃味d嘅紅肉嘅拖羅赤身 中拖 大拖食落去，你會睇到真係有講究返刺身應有嘅食法 唔會好似出面啲連鎖壽司店任食亂唒次序。非常之欣賞師傅每一道刺身壽司都會講解返咩食材當造緊，建議咩刺身點咩醬汁會最夾，其他waiter又會好細心清反走D碟 提供返濕紙巾抹手 (我估係尊重反有啲食客喜歡按照傳統徒手食壽司) 總之成個感覺好貫切壽司文化，彷彿去左日本咁 ！-一定會再黎食拖羅壽司！有一款金箔吞拿魚手卷都係非常之深刻，有賣相又好食。如果你想試新奇啲口味，黎鰭幸就岩哂，例如鱈魚白子、松葉蟹配昆布啫喱，仲有日本「最中餅」