Ann Mamma Thai kitchen by 張秀玲

营业中

休息中

係荃灣行街，講起想食泰國菜即刻上網睇下荃灣有咩推介。見到呢間泰國餐廳個名幾特別(唔睇英文仲以為係食台灣菜🤣)。去到7點半，按排咗樓上閣樓坐位，位置好寬敞，冷氣都夠涼爽。我地嗌咗4樣餸:香葉肉碎飯份量超超超大！應該4個人食都可以，但米飯略嫌少少硬，但撈埋肉碎有啲油撈埋食尚算OK。炒椰菜就不過不失啦，份量都比出面餐廳嘅多泰奶同西柚梳打，泰奶個人口味覺得淡咗少少，西柚梳打酸酸甜甜，飲落有果肉，不錯不錯另外仲有豬手同青芒沙律無影到，份量都係超級大份，味道都好好，性價比超高，好啱一大班人嚟食！