糖室 (已結業)

无论心情好唔好都咁钟意食甜品嘅我，一听到朋友极力推介呢间南山邨嘅甜品舖，即刻揾朋友去试试先。糖室好易揾，门口一望就见到，装修系咖啡色主调嘅文青风格，环境好舒服。拣左第一样柠檬柚子蜜冰，第一口就已经系惊喜！啲冰意想不到地超棉超软，入口即化，冰冰凉凉加上柚子蜜嘅酸甜简直系开胃首选。食到一半嘅时候终于出现左青柠雪葩同糯米糍！未试过雪葩嘅一定要试下，有啲苏打嘅味道好特别。真系层层惊喜，芒果糯米糍绝对世界级，烟韧嘅糯米皮包著芒果雪糕，如果再多几粒就好啦！之后叫左个宇治抹茶心太软开心share, 抹茶控必点！一切开就见到浓稠嘅抹茶流心，心太软外层、浓滑嘅抹茶流心、微咸嘅海盐雪糕，一次过摆入口简直系Perfect Match！！价廉物美，埋单除开每人只系$43.5！临走见到隔离台嘅铁板棉花糖好靓，下次一定会再黎食！