616牛肉火鍋專門店 (星峰薈) (已結業)

📍 好耐都无嚟食616了，最记得佢嘅汤底同埋秘制牛肉酱汁都好好食，而家仲做紧晚市时段有八八折好抵！🍴鸳鸯沙牛汤底 $82 心目中616嘅皇牌汤底！牛骨清汤好清甜，个底仲有萝卜同埋软熟嘅牛腩，另一边就拣咗沙嗲汤底，呢个就相反，系好浓郁同埋个底有大量花生炸蒜，捞公仔面乌冬𠮶啲就最夹！🍴特选和牛盛 $274餐厅做紧信州和牛推广套餐，个set另外会送一碟澳洲五花趾。和牛套餐入面包咗信州和牛赤身、信州和牛羽下肉、信州和牛胸肉，见到都系日本直送，入口真系好软滑即溶。🍴匙柄 $48食完和牛都想嗌返份瘦啲嘅牛肉食，所以就叫咗匙柄，瘦得嚟又重牛肉味。🍴鲜制手打乌冬 $18本身谂住叫一份公仔面，但系见到有餐厅自家制嘅手打乌冬就试吓，佢唔系急冻所以渌好快就已经食得，口感带烟靭。