皇庭匯 (已結業)

今日我们喺奥海城做完嘢之后去咗「皇庭汇」旺角店饮下午茶！我们叫咗皇庭点心大拼盘真系好大个，差唔多每款点心都有两件都祇系卖$68，真系好抵食，而且每件点心都系份量十足，当中嘅黑松露带子饺真系好大只饱满，而且带子嘅味道好鲜味，而虾饺就系我们每次嚟「皇庭汇」都必定会点嚟食嘅，因饺皮真系好烟韧弹牙，虾肉嘅肉质超爽甜弹牙，蜜汁叉烧包嘅包质非常香滑软熟，蜜汁嘅味道相当香甜浓郁，奶皇马拉糕相当松软，中间夹著两层香甜嘅奶皇一齐食，真系好好味，但食落味道唔会过甜！川芎白芷炖鱼云嘅材料非常足料，所以汤底嘅味道超级甘甜浓郁，鱼头极之新鲜，肉质超鲜甜嫩滑，最仲要系新鲜即叫即炖同埋落足真材实料，都祇系卖$28咋，真系超正同超抵食呀！系本人嘅必食推介！所以我们叫咗一人一盅嚟食！