阿佳拌麵 (已結業)

今日同男朋友去西九广场揾平民美食🤤行过见呢间食拌面同夜市小食既店舖，闻落好香而且价钱绝对系抵食～就念住试下🥰盐水鸡拌面 & 五香牛肉拌面🍝建议拌面点配沙茶酱，咸味刚刚好！盐水鸡好嫩滑，五香牛肉都好惹味，份量十分足料！比较推荐大家试盐水鸡拌面，食过翻寻味😋五香糯米鸡卷🐣师傅有烤过外表，一咬落去脆脆地，入面系香口既糯米饭😚值得赞既位系师傅好细心，连一枝长竹签一齐烤，食既时候又方便又卫生🥳👍🏻夜市鱼蛋🍢因为拌面已经配沙茶酱，所以鱼蛋拣配酱油！热辣辣弹牙既鱼蛋以质地取胜👍🏻个人认为配酱冇所谓，净系论咬口已经会食上瘾😈下次去会再嗌！乌来烤猪肉肠🐽十分惊喜！十分推荐！！🥰🤤烤得刚刚好，外脆内嫩～味道惹味得黎唔会重口味！食多2条都吾会有油腻感😋都系连住长竹签烤，所以好卫生！