珍一料理 (富榮大廈) (已結業)

行过见好多人等紧拎外卖咁，行过去八下先，原来系小菜外卖店。都几多野拣㖞，牛、猪、鸡、素菜等，有辣有唔辣，有凉盘亦有热食。好似几好味咁叫几样试下先，比完钱姐姐就去夹入盒，夹完仲会去磅下，包保足秤。点左两款猪同一盒鸡，全部都要辣的。圆盒呢个系椒麻鸡，要左半只份，入面就系鸡同少许花生，无其他野垫底㗎。鸡件很入味，又香又麻，连鸡骨都入晒味好正，鸡肉一丝丝有咬口又唔鞋，越食越过引。另外两盒望落差唔多样嘅都系猪类，呢盒系麻辣猪肚条，猪肚切粗条，软腍得黎有咬口，烟烟韧韧的。另一盒系爽脆猪耳丝，猪耳正如其名又爽又脆，口感很不错。两款味道差不多，因为都系拣左川麻料理系列入面嘅，味道系又麻又辣，辣得黎系鲜味，唔系一味死辣㗎，食落会上引呢。价钱唔贵份量足，无用配菜垫底已经抵赞啦。