駒記海鮮大排檔

营业中

休息中

香港既大排档已经买少见少，但好彩仲保留到大排档的风味。今次同朋友选择咗去铜锣湾鹅颈桥街市附近的「驹记海鲜大排档」，因为时间尚早，下午6点，唔算太多人，但点完食物之后已经开始多人，好彩早到咋。现场冷气好够，都坐得舒服，食得滋味。香脆黄金墨鱼饼 $128墨鱼饼十分弹牙，仲热辣辣，好大块，配上甜酸汁十分惹味。椒盐鲜鱿 $148好香口，绝配喼汁，鱿鱼大大块，份量都多，虽然好食，但食唔晒。咕噜肉 $78呢个咕噜肉冇得输，肉冇骨易咬，虽然有甜酸汁捞匀，但外皮仍然香脆，个汁好好味，好开胃既菜。啫啫通菜煲 $78非常惹味，通菜好入味，蒜头好香，必点。