羅東肉焿番

营业中

休息中

好耐都冇去过台湾，一直好想试香港正宗嘅台式餐厅。朋友介绍呢度嘅台式餐厅好正宗，而且上网都见到好多人推荐，今日一于嚟试吓啦。因嚟到估唔到呢到六点几已经好多客人，如果上嚟试嘅记住早啲嚟食啦。佢嘅下午茶仲平过晚餐好多，真系好抵呀。首先我就叫咗一个牛肉面，一上枱估唔到咁大碗，而且闻落都好香，食落佢嘅汤底好有中药味，而且牛肉好大旧，面质仲系刀削面咁，真系好有台湾嘅风味。朋友叫咗个胡椒猪肚鸡脚汤刀削面，试咗佢一啖汤底，真系好有胡椒味。而且仲有四嚿大嘅鸡脚，呢个价钱真系好抵食。呢度仲好出名芋泥吐司，不过同朋友都太饱，所以我哋就拣咗芋泥蛋饼。估唔到咁细嘅蛋饼都有咁多芋泥，食落甜甜地咸咸地，本身会觉得好奇怪，估唔到食落好特别。咸咸的鸡蛋饼衬落甜嘅芋泥，好有层次感。呢间台湾餐厅又平又抵食，而且好正宗，非常推荐大家嚟试吓啊。