重慶劉一手火鍋店 (旺角商業大廈) (已結業)

今日行過旺角，見天氣凍凍地咪想食個火煱，上左jolibee樓上一間新開嘅麻辣火鍋店。依間餐廳非常有驚喜。麻辣湯底好正，唔會正係得個辣字。食材黎講都算係新鮮，牛肉都幾有牛味。除左普通平時常嗌既肥牛，牛丸，今次仲叫左個鴨血，初嘗鴨血，覺得口感同豬紅差唔多，但鴨血會比較彈牙d。另外，仲嗌左個豬腦，味道就冇乜，但勝左入口即溶，值得一試。員工服務非常好，經常有人自動走過黎幫你加湯，又會幫你較大細火，喺香港算非常難得。餐廳環境非常舒服，裝修典雅，古式古香味濃。4個人食左$1200，雖然價錢有少少貴，但一分錢一分貨，絕對值得一試！