重慶劉一手火鍋店 (旺角商業大廈) (已結業)

今日行过旺角，见天气冻冻地咪想食个火㶽，上左jolibee楼上一间新开嘅麻辣火锅店。依间餐厅非常有惊喜。麻辣汤底好正，唔会正系得个辣字。食材黎讲都算系新鲜，牛肉都几有牛味。除左普通平时常嗌既肥牛，牛丸，今次仲叫左个鸭血，初尝鸭血，觉得口感同猪红差唔多，但鸭血会比较弹牙d。另外，仲嗌左个猪脑，味道就冇乜，但胜左入口即溶，值得一试。员工服务非常好，经常有人自动走过黎帮你加汤，又会帮你较大细火，喺香港算非常难得。餐厅环境非常舒服，装修典雅，古式古香味浓。4个人食左$1200，虽然价钱有少少贵，但一分钱一分货，绝对值得一试！