影片
更多
2008-08-21
10 浏览
八月十五日, 今日畀我哋发现咗间好正既拉面呀!! 事原上次去咗《八八八拉面》, 发现差咗好多, 于是同事们就叫我帮手揾一间好食既拉面代替咗佢,无意间, 经 blog 友介绍, 又啱啱系一本叫 "Hong Kong Walker" 既杂志度睇到介绍,(平时唔会睇呢本杂志, 只系公司有广告登咗喺度先买咋!)再 check 噃佢既 record, 原来呢间叫《面屋一平安》喺香港已经有廿几年历史, 系正宗日本拉面店嚟架! 喺尖咀已经有两间分店, 呢个月头喺铜记啱啱开咗间分店。真系好咁食? 我哋决定上去一试, 入到去啲装修已经见心思, 啲座位坐得好舒服!坐底, 有个女职员走埋嚟招呼我哋, 一开口, 就听得出佢系日本人啦! 原来系老板娘嚟架!佢唔系好识讲广东话, 只系识基本招呼语同数字, 但已经足够啦! 呢度有个几多选择既 set lunch, 我哋四个人全部都系迷你猪骨汤拉面, 虽然比起面豉汤贵 $10, 但如果想试真一间日式拉面店既功架最好就系试佢既猪骨汤!先嚟跟餐有个沙律, 好简单既生菜沙律, 加咗少少酸酸哋既沙律汁, 好清新, 好味! 仲有菜食吓!等咗阵, 个拉面嚟到啦! 望个汤底既色咁
事原上次去咗《八八八拉面》, 发现差咗好多, 于是同事们就叫我帮手揾一间好食既拉面代替咗佢,
无意间, 经 blog 友介绍, 又啱啱系一本叫 "Hong Kong Walker" 既杂志度睇到介绍,
(平时唔会睇呢本杂志, 只系公司有广告登咗喺度先买咋!)
再 check 噃佢既 record, 原来呢间叫《面屋一平安》喺香港已经有廿几年历史,
系正宗日本拉面店嚟架! 喺尖咀已经有两间分店, 呢个月头喺铜记啱啱开咗间分店。
真系好咁食? 我哋决定上去一试, 入到去啲装修已经见心思, 啲座位坐得好舒服!
坐底, 有个女职员走埋嚟招呼我哋, 一开口, 就听得出佢系日本人啦! 原来系老板娘嚟架!
佢唔系好识讲广东话, 只系识基本招呼语同数字, 但已经足够啦!
呢度有个几多选择既 set lunch,
我哋四个人全部都系迷你猪骨汤拉面, 虽然比起面豉汤贵 $10,
但如果想试真一间日式拉面店既功架最好就系试佢既猪骨汤!
先嚟跟餐有个沙律, 好简单既生菜沙律, 加咗少少酸酸哋既沙律汁, 好清新, 好味! 仲有菜食吓!
等咗阵, 个拉面嚟到啦! 望个汤底既色咁米白, 应该都 OK 㖞,
第一啖汤入口, 哗!! 真系好味! 足味! 好正呀!!
片紫菜好香, 日式叉烧又唔会冇味, 木耳又劲爽, 我哋一路食一路不停赞好味呀!!
然后我就加 $2 配个迷你滑蛋猪扒饭, 虽然细细碗, 但都够食,
同埋佢面头啲滑蛋、冬菇同吉列猪扒都好多呀! 仲好好味添!!
又试咗啖同事既咖喱饭, 啲咖喱汁似乎就一就咗香港人既口味, 真系有少少辣架!!
并唔系出面食果啲得个甜字, 完全唔辣既咖喱啰! 但又唔系好辣, 啱啱好, 拌饭食超正呀!
如果加两蚊就好似呢碟咁多三片吉列猪扒, 唔驶加钱果三样系素菜嚟既。
呢度既份量好啱, 女仕唔想食太多可以食滑蛋猪扒饭或迷仔野菜饭,
如果想食饱啲就要叫咖喱饭啦! 份量好似多啲。
仲有, 佢台面有啲切开咗既蒜头, 仲有个蒜头器, 畀你自己窄啲新鲜蒜蓉落拉面度食,
我都试玩咗几粒, 又几得意㖞! 不过唔落太多, 因为个汤底真系好正, 唔想影响个原味呀!
仲有啲应该酸酸辣辣既咸菜, 下次试吓先!
我哋今餐真系食得超满足, 饱咗一个晏就, 更开心咗一个晏就呀!! 一定会再帮衬啦!!
呢个豪华定食都好想试, 好似好正咁呀~~~ 等佢出咗都应该会试一次!
另外仲有啲散叫既拉面或饭, 有机会真系要同老公嚟试吓呀!!
同埋一直要赞一赞呢度既职员服务, 佢哋真系超有礼貌,
我哋食完晒嘢, 坐咗喺度吹水吹咗半个钟佢哋都冇意识叫我哋走,
仲不段 Keep 住好好礼貌咁帮我哋加茶(包括老板娘),
呢度十几个职员无论男男女女既态度都好好呀!
搞到我最后埋单签咭时都忍唔住畀咗 $20 tips!! 我真系未试过签咭都畀 tips 架!
而且系老板娘亲自嚟埋单, 仲好好礼貌咁用日文同我哋讲多谢晒!
呢啲先系服务啰!! 啲嘢又好食, 又唔算好贵, 加埋一都系 $66 一位咋!
我谂《八八八拉面》再咁搞落去好快会畀佢抢晒啲客,
因为佢就系我谂《八八八拉面》既楼上四楼咋!
同埋已经有日本人识得嚟帮衬, 开咗半个月, 到 lunch time 已经坐咗八成人啦!
更详细资料及图片请看 : http://hk.myblog.yahoo.com/joycewai616/article?mid=10169
张贴
