Mana Thai Kitchen (已結業)

Mana Thai Kitchen放工同老公食埋饭先返屋企，佢又想饮啲酒。拣咗依家喺湾仔嘅泰国餐厅，有啤酒又有鸡尾酒。我哋叫咗蟹肉炒饭、牛肉船面、泰式烤猪颈肉。蟹肉炒饭炒得好干身，啖啖都有蟹肉，加上鸡蛋、香葱、炸蒜炒，好香口。牛肉船面同出面泰国餐厅食既有啲唔同，汤底带少少姜嘅辣，加埋香浓牛汤味，好特别。牛丸好弹牙juicy, 牛肉大大块半生熟，肉嫩重牛味。成碗船面都好足料，好满足。烤猪颈肉够浓味，配酸辣醋汁，超惹味，送酒一流。点左杯荔枝Martini ， 酒味重手，带有荔枝清香。另外一杯荔枝沙冰，清清地唔算甜👍🏼