饃饃餃子 (已搬遷) 新店位置

馍馍饺子（Momo Moment）系一间异国风情小小店，深蓝色同黄色嘅墙身，花花地砖，色彩缤纷嘅凳，虽然全店得三个座位，但置身其中，仍然感觉舒服。先嚟五只招牌爆汁蒸鸡肉馍馍饺子，卖相好靓，咬一啖，饺皮出乎意料咁薄，馅料亦饱满，蘸饺用嘅蕃茄香辣汁系重点所在，非常惹味，令 momo 味道立即提升，坚正👍。再叫客乳酪红石榴薯仔波波，即系将香料薯蓉，红石榴同乳酪酿入 Panipuri （一种印度街头小食）里面，食嘅时候将酸甜冻汤唧入 Panipuri，一啖一粒，口感同味道都超级丰富，由于乳酪同薯仔都系我嘅至爱，加上冻汤酸酸甜甜，好开胃，真心好 like 呢个小食♥️。