鐵牛台灣牛肉麵 (旺角中心第一座)

营业中

休息中

今日系一年一度嘅大年三十，喺下午嘅时候我们去咗旺角中心嘅「铁牛台湾牛肉面」食下午茶，之后去大姨妈屋企做节！一入到店内见到店员嘅笑容都几好，喺坐低咗之后我们睇见餐牌有多款选择，谂紧拣边款嘅时候，坐喺我们后面卡位嘅小姐就向我们介绍有边款比较受欢迎，我们问佢点解会咁清楚边款好食，佢话佢系喺呢间公司做，今日放假返嚟食嘢，我们就话你休息紧都咁落力向我们推介，你真系专业同值得一赞！我们叫咗主厨私房牛肉面「大块金钱𦟌、秘制牛腩同香滑牛筋」嘅汤底相当清甜浓郁，金钱𦟌嘅肉质超级软滑腍身，而且有入口即溶嘅感觉，秘制牛腩嘅肉质相当爽滑，但唔会有硬实嘅感觉，而牛筋就非常软滑弹牙！鲜蕃茄大块牛肉面嘅汤底真正新鲜蕃茄浓汤，味道好鲜甜清新！红烧牛肉干拌面嘅酱汁味道调教得恰到好处，唔会好咸，加埋啲香葱、雪菜同青瓜丝一齐食，感觉相当清新，唔会有好油腻嘅感觉！最值得赞赏嘅系他们出品嘅面质真系极之烟韧弹牙，无论系干拌或者系放汤嘅都一样咁弹牙，唔会因为喺汤浸著而变腍咗，真系超正呀！系本人嘅必食推介！