粵來順 (已結業)

由于早前我们喺午饭时间嚟旺角登打士街嘅「粤来顺」食过觉得出品相当唔错，所以今晚我们特意喺晚饭时段嚟食，一嚟到就见到较早前好朋友同我们讲嘅一样，有好多人喺门口排队等位，我们起码等咗半个钟先有位！我们叫咗八宝炖冬瓜汤系每日原个炖盅新鲜即炖，汤底嘅味道非常清甜，同材料相当足料丰富，同埋喺而家炎炎夏日嘅天气饮呢个汤，真系特别觉得消暑解渴！鸳鸯鸡系用两款鸡组合而成，分别系蜂蜜豉油鸡同客家走地鸡，肉质就极之嫩滑，就算鸡胸嘅位置都完全唔会有「嚡」嘅感觉，可以一次过食到两款鸡，感觉好有创意同特色，两款鸡之中，我们比较钟意蜂蜜豉油鸡，因浸得好入味，但唔会有咸嘅感觉，而且食落仲会散发出蜂蜜嘅香甜味，真系好正呀！笼仔荷香糯米蒸膏蟹一打开个蒸笼盖，就有一股香气扑鼻，由于师傅将膏蟹摆放得好整齐，所以令到卖相更加吸引，膏蟹嘅蟹膏份量超多，质感好甘香软滑，蟹肉嘅肉质非常鲜甜嫩滑，舖底嘅糯米饭质感好烟烟韧韧，而蟹肉嘅精华，仲有葱花同蒜香嘅香气都渗透晒入糯米饭入面，令到味道更加芳香惹味，令正在「扮减肥中」嘅我，都食到停唔到口，真系好正呀！西施蛋白炒龙趸腩听店员话系用50斤嘅龙趸鱼腩位置，所以肉质超结实弹牙，味道相当鲜甜