南山冰室 (已結業)

第一次嚟南山冰室，成班朋友嗌咗劲多嘢食，觉得呢度真系铜锣湾最正冰室（茶餐厅），除咗新净整洁，座位又阔落，啲嘢食都几正。最估唔到呢度竟然有肉骨茶，而且味道仲唔错！不过最惊喜系个慢煮叉烧，就算我唔系特别偏好叉烧，都觉得特别鲜嫩又好食，如果钟意叉烧嘅话就真系必食。今次嗌四宝饭得几片叉烧，下次嚟要嗌叉烧饭喇。见朋友个吉列猪扒喇沙几吸引，问佢拎咗几啖试吓，喇沙够香够辣，好惹味，猪扒都炸得几香口。见有咖央西多士都几特别，又点咗一份，唔使落糖浆都好食，茶餐厅类别来讲，真系好少见有咁多特色嘢，以后嚟铜锣湾又多个开餐好地方喇。