嚐越 (已結業)

今日下午我们喺荃湾众安街做完嘢之后，去咗荃湾千色汇揾吓有咩好食？行到去见到间「尝越」差唔多系全场满座，心谂应该出品都几好，所以我们就入去咗食下午茶！我们叫咗生牛肉汤河粉嘅汤底好够热，味道相当鲜甜香浓，牛肉嘅肉质好松软，肉味亦好浓郁，而且有三大块咁多，以下午茶嚟讲，真系几抵食，至于河粉嘅面质亦好烟韧软滑！香茅牛肉捞檬嘅牛肉肉质相当松化多汁，烧到啱啱好，唔会过咗火而令到肉质变到又干又硬，而且有好惹味浓郁嘅香茅味，真系好正呀！而檬粉嘅面质亦几弹牙，加埋啲「冧」汁一齐食，简直系绝配呀！