正斗粥麵專家 (新城市廣場一期)

营业中

休息中

今日我们喺沙田新城市广场行，谂著周围睇吓去边间食晚饭？点知行到去一期𠮶边就见到个好耐无见嘅朋友，而佢亦未食饭，所以我们就一齐去咗「正斗粥面专家」食晚饭！我们叫咗正斗鲜虾云吞面，但因我们太耐无见嘅关系，我们祇系挂著「倾计」，所以搅到啲面摆放到胀晒，汤底嘅味道好鲜味香浓，云吞系比较细粒，可以一口一粒，皮亦好薄身，虾肉相当爽甜弹牙！姜葱汁爆鱼腩粥嘅粥底非常香滑软绵，因鱼腩超新鲜，所以粥底嘅味道更加鲜甜，鱼腩嘅肉质相当嫩滑弹牙，而且份量超级多，系咁多款之中最抵食嘅！鲜牛肉鲜田鸡膶肠煲仔饭嘅牛肉同田鸡都好新鲜，牛肉嘅肉质好鲜嫩松软，田鸡嘅肉质好结实弹牙，再加埋芳香嘅膶肠油香捞埋一齐食，真系好正呀！干炒牛河炒得好够镬气同好干身，唔会好油腻，牛肉嘅肉质好松软嫩滑，份量相当多！