池記 (已結業)

由于今日一早起身到下午时间都未有食过嘢落肚，差唔多饿到「反肚」，所以即刻喺周围附近中环干诺道中嘅「池记」食过极速下午茶！我们叫咗云吞面同牛筋面嘅面质相当爽口弹牙，而且都几幼身，汤底嘅味道都几鲜味浓郁，云吞皮都几软滑薄身，虾肉亦好爽甜弹牙，而且都几大粒，至于牛筋就焖得好腍好入味，质感相当烟韧软滑，而且份量十足，差唔多有四件，感觉都几抵食！另外有杯跟餐饮品，因一开始都有提过就系差唔多「反肚」，个胃唔系太舒服，所以想饮啲热嘢，初头以为豆浆祇系得冻嘅，谂著叫另一样，但店员就话有豆浆有热㗎，所以我们就叫咗热豆浆，味道都几清甜香浓！