大瀛喜日本料理 (已結業)

放工约左老公系旺角等，去完买野之后就肚饿啦，本来想番到屋企先食，但行行下见到有间介绍食日本放题，我老公即刻心思思想食，因为佢都好饿啦，之后就上左去一间叫大瀛喜日本料理，系位于旺角奶路臣街11号MPM文华商场5楼，都系条大街度，地点方便又易揾！哩间放题好好坐,又装修得好靓,下次会再去!个日都好冻,所以我叫左个牛乳锅，个汤底味道都够浓郁，食材都好新鲜又足料！之后口痕又想食甜品，哩两个整得真系好出色，由其个蕉糖蛋，真系好浓既蛋味，好好味，我仲食左３个！海胆手卷我老公至爱，佢话好新鲜，好有鲜味！寿司好大旧，即叫即整，我最爱蟹柳棒，唔系仿蟹柳黎架，坚架，超好味！螺肉个酱汁调配得好好味，螺肉都好爽，唔会有沙，推介！芝麻鸡翼，唔会有雪藏味，鸡肉好嫩滑，好味到我一次食左３只老公点左个牛肉锅，个汤底好鲜甜，老公话牛肉大块又唔会多肥肉！一口牛好惹味，一口牛粒入口好有水份，令到口感升华不少。去食放题一定要点既牛油栗米，好香好好味,粒粒都好爽甜!去食放题一定要点既牛油栗米，好香好好味,粒粒都好爽甜!超正炸虾天妇罗,虾肉好爽口,炸得好金黄,好好味!